Ύμνοι Αγίου Γεωργίου -Δ. Παϊκόπουλος

                                                                                                                                                        Υμνογραφία του Αγίου Μεγαλομάρτυρος  Γεωργίου του Τροπαιοφόρου , ψάλλει  ο κος Δημοσθένης Παϊκόπουλος , Δομέστικος της Μεγάλης του Χριστού Εκκλησίας.                                                                                                                                                                                                                           Ἀνοιξαντάρια  σύντομα                                                                                                                                                                                                                                                                                       Ἀνοίξαντός σου τὴν χεῖρα , τὰ σύμπαντα πλησθήσονται χρηστότητος,                                           ἀποστρέψαντος δέ σου τὸ πρόσωπον, ταραχθήσονται.Δόξα σοι ὁ Θεός.Ἀλληλούϊα.                               Έξαποστελεῖς τὸ πνεῦμά σου, καὶ κτιθήσονται, καὶ ἀνακαινεῖς τὸ πρόσωπον τῆς γῆς.                       Δόξα σοι ,ἅγιε·δόξα σοι, Κύριε· δόξα σοι, βασιλεῦ οὐράνιε . Δόξα σοι ὁ Θεός.                                       Ὁ ἐπιβλέπων ἐπὶ τὴν γῆν, καὶ ποιῶν αὐτὴν τρέμειν·ὁ ἁπτόμενος τῶν ὀρέων καὶ καπνίζονται.               Δόξα σοι ,ἅγιε·δόξα σοι, Κύριε·δόξα σοι,τὸ Πνεῦμα τὸ ἅγιον.Τριὰς ἁγία ,δόξα σοι.  Δόξα σοι ὁ Θεός.   _________________________________________________________________________________Κύριε, ἐκέκραξα πρὸς σέ,εἰσάκουσόν μου·πρόσχες τῇ φωνῇ τῆς δεήσεώς μου                                           ἐν τῷ κεκραγέναι με πρὸς σέ. _________________________________________________________________________________ Ἐὰν ἀνομίας παρατηρήσης, Κύριε, Κύριε τὶς ὑποστήσεται ; ὅτι παρὰ σοὶ ὁ ἱλασμός ἐστιν.                                                                                                                                                
Στιχηρὰ Ἦχος δ΄ αὐτόμελον                                                                                                                                                                                                                                                                       Ὡς γενναῖον ἐν μάρτυσιν ἀθλοφόρε Γεώργιε , συνελθόντες σήμερον εὐφημοῦμέν σε,  ὅτι τὸν δρόμον τετέλεκας ,τὴν πίστην τετήρηκας , καὶ ἐδέξω ἐκ Θεοῦ ,τὸν τῆς νίκης σου στέφανον ,ὅν ἱκέτευε, ἐκ φθορᾶς καὶ κινδύνων λυτρωθῆναι ,τοὺς ἐν πίστει ἐκτελοῦντας ,τὴν ἀεισέβαστον μνήμην σου . _________________________________________________________________________________Τῷ Σωτῆρι συνέπαθες, καὶ θανάτῳ  τὸν θάνατον,ἑκουσίως ἔνδοξε μιμησάμενος, συμβασιλεύεις λαμπρότατα,πορφύραν ἐξ αἵματος ,ἐνδυσάμενος φαιδράν ,καὶ τῷ σκήπτρῳ τῶν ἄθλων σου ἐγκοσμούμενος , καὶ στεφάνῳ τῆς νίκης διαπρέπων ,ἀπεράντους εἰς αἰῶνας,Μεγαλομάρτυς Γεώργιε. _________________________________________________________________________________ Ως αστερα πολυφωτον. ωσπερ ηλιον λαμποντα ,εν τω στερεωματι ,σε γινωσκομεν ,ως μαργαριτην πολυτιμον ,ως λίθον αυγαζοντα,ως ημερας σε υιον,ως γενναιον εν Μαρτυσιν ,ως υπερμαχον των πιστων εν κινδυνοις, ευφημουμεν εκτελούντες σου την μνημην, τροπαιοφορε Γεωργιε 
                                                                                                                                                               Ἦχος πλ. β΄    - Δόξα Πατρὶ καὶ Ὑιῷ καὶ Ἁγίῳ Πνεύματι.                                                                                                                                                                   Ἀξίως τοῦ ὀνόματος,ἐπολιτεύω στρατιῶτα Γεώργιε· τὸν σταυρὸν γὰρ τοῦ Χριστοῦ ,ἐπ' ὤμων ἀράμενος, τὴν ἐκ διαβολικῆς πλάνης χερσωθεῖσαν γῆν ἐκαλλιέργησας ,καὶ τὴν  ἀκανθώδη θρησκείαν τῶν εἰδώλων ἐκριζώσας ,τῆς Ὀρθοδόξου Πίστεως κλῆμα κατεφύτευσας · ὅθεν βλυστάνεις ἰάματα ,τοῖς ἐν πάσῃ  τῇ  οικουμένῃ πιστοῖς ,καὶ Τριάδος γεωργός ,δίκαιος ἀνεδείχθης · Πρέσβευε δεόμεθα ,ὑπερ εἰρήνης τοῦ κόσμου ,καὶ  σωτηρίας τῶν ψυχῶν ἡμῶν .                                                                                                                                                                                                                                                           Κάθισμα Ἦχος δ΄                                                                                                                                                                                                                                                                                             Γεωργήσας ἐμμελῶς ,σπόρον τῶν θείων ἐντολῶν ,διεσκόρπησας πτωχοῖς ,πάντα τὸν πλοῦτον εὐσεβῶς, ἀντικτησαμενος ἔνδοξε Χριστοῦ τὴν δόξαν · ὅθεν πεποιθώς ,πρὸς αγῶνας χωρεῖς , καὶ πόνους τοὺς μακρούς ,Μάρτυς Γεώργιε ,καὶ κοινωνὸς γενόμενος τοῦ πάθους τοῦ ἀπαθοῦς, καὶ ἐγέρσεως τῆς βασιλείας ,αὐτοῦ μετέσχες ,ὑπέρ ἡμῶν νῦν δεόμενος .   
                                                                                                                                                                        Δόξα . Ἦχος πλ. α΄                                                                                                                                                               Ἀνέτειλε τὸ ἔαρ , δεῦτε εὐωχηθῶμεν, ἐξέλαμψεν  ἡ Ἀνάστασις Χριστοῦ , δεῦτε εὐφρανθῶμεν ἡ τοῦ Ἀθλοφόρου μνήμη , τοὺς πιστοὺς φαιδρύνουσα ἀνεδείχθη · διὸ φιλέορτοι , δεῦτε μυστικῶς αὐτὴν πανηγυρίσωμεν · οὗτος γὰρ  ὡς καλὸς στρατιώτης, ἠνδρίσατο κατὰ τῶν τυράννων , καὶ τούτους κατῄσχυνε, μιμητὴς γενόμενος τοῦ πάθους τοῦ Σωτῆρος Χριστοῦ , οὐκ ἠλέησε τὸ σκεῦος τὸ πήλινον τὸ ἑαυτοῦ, ἀλλὰ γυμνὸν ἀνεχάλκευσεν,ἐν βασάνοις αὐτὸ προσαμειβόμενος, αὐτῷ βοήσωμεν · Ἀθλοφόρε ἱκέτευε , εἰς τὸ σωθῆναι τὰς ψυχὰς ἡμῶν .