Ἀρχική Σελίδα

Πέμπτη 5 Απριλίου 2018

Εὐαγγέλιον κατά Μάρκον , κεφ. ιε' .

Εὐαγγέλιον κατά Μάρκον  -Κεφ.ΙΕ ' .  _______________________________________________________________________________    Καὶ εὐθέως ἐπὶ τὸ πρωὶ συμβούλιον ποιήσαντες οἱ ἀρχιερεῖς μετὰ τῶν πρεσβυτέρων καὶ γραμματέων καὶ ὅλον τὸ  συνέδριον, δήσαντες τὸν Ἰησοῦν ἀπήνεγκαν καὶ παρέδωκαν τῷ Πιλάτῳ .                          Καὶ ἐπηρώτησεν αὐτὸν ὁ Πιλᾶτος· σὺ εἶ ὁ βασιλεὺς τῶν Ἰουδαίων ; Ὁ δὲ άποκριθεὶς εἶπεν αὐτῷ· σὺ λέγεις . Καὶ κατηγόρουν αὐτοῦ οἱ ἀρχιερεῖς πολλά, αὐτὸς δὲ οὐδὲν ἀπεκρίνατο .                                      Ὁ δὲ Πιλᾶτος πάλιν ἐπηρῶτα αύτὸν λέγων· οὐκ ἀποκρίνῃ  οὐδὲν ; Ἴδε πόσα σου καταμαρτυροῦσιν .    Ὁ δὲ Ἰησοῦς οὐκέτι οὐδὲν ἀπεκρίθη , ὥστε θαυμάζειν τὸν Πιλᾶτον . ______________________________________________________________________________    Κατὰ δὲ ἑορτὴν ἀπέλυεν αὐτοῖς ἕνα δέσμιον ὅνπερ ᾐτοῦντο. Ἦν δὲ ὁ λεγόμενος Βαραββᾶς μετὰ τῶν συστασιακῶν δεδεμένος , οἵτινες ἐν τῇ στάσει φόνον πεποιήκεισαν.                                                          Καὶ ἀναβοήσας ὁ ὄχλος ἤρξατο αἰτεῖσθαι καθὼς ἀεὶ ἐποίει αὐτοῖς .                                                          Ὁ δὲ Πιλάτος ἀπεκρίθη αὐτοῖς λέγων· θέλετε ἀπολύσω ὑμῖν τὸν βασιλέαν τῶν Ἰουδαίων ;                    Ἐγίγνωσκε γὰρ ὅτι διὰ φθόνον παραδεδώκεισαν αὐτὸν οἱ ἀρχιερεῖς .                                                      Οἱ δὲ ἀρχιερεῖς ἀνέσεισαν τὸν ὄχλον ἵνα μᾶλλον τὸν Βαραββᾶν ἀπολύσῃ αὐτοῖς .                                  Ὁ δὲ Πιλάτος ἀποκριθεὶς πάλιν εἶπεν αὐτοῖς · τί οὖν θέλετε ποιήσω τὸν βασιλέαν τῶν Ἰουδαίων ;          Οἱ δὲ πάλιν ἔκραξαν· σταύρωσον αὐτόν.                                                                                                    Ὁ δὲ Πιλᾶτος ἔλεγεν αὐτοῖς · τί γὰρ ἐποίησε κακόν ; οἱ δὲ περισσοτέρως ἔκραξαν · σταύρωσον αὐτόν.    Ὁ δὲ Πιλᾶτος βουλόμενος τῷ ὄχλῳ τὸ ἱκανόν ποιῆσαι , ἀπέλυσεν αὐτοῖς τὸν Βαραββᾶν, καὶ παρέδωκε τὸν Ἰησοῦν φραγελλώσας ἵνα σταυρωθῆ. _____________________________________________________________________________            Οἱ δὲ στρατιῶται ἀπήγαγον αὐτὸν ἔσω τῆς αὐλῆς , ὅ ἐστι πραιτώριον , καὶ συγκαλοῦσιν ὅλην τὴν σπεῖραν· καὶ ἐνδύουσιν αὐτὸν πορφύραν καὶ περιτιθέασιν αύτῷ πλέξαντες άκάνθινον στέφανον ,          καὶ ἤρξαντο ἀσπάζεσθαι αὐτὸν. Χαῖρε ὁ βασιλεὺς τῶν Ἰουδαίων · καὶ ἔτυπτον αὐτοῦ τὴν κεφαλὴν καλάμῳ , καὶ ἐνέπτυον αὐτῷ, καὶ τιθέντες τὰ γόνατα προσεκύνουν αὐτῷ .                                                Καὶ ὅτε ἐνέπαιξαν αὐτῷ, ἐξέδυσαν αὐτὸν τὴν πορφύραν καὶ ἐνέδυσαν αὐτὸν  τὰ ἱμάτια τὰ ἴδια ,            καὶ ἐξάγουσιν αὐτὸν ἵνα σταυρώσωσιν αὐτόν.                                                                                          Καὶ ἀγγαρεύουσι παράγοντά τινα Σίμωνα Κυρηναῖον , ἐρχόμενον ἀπ' ἀγροῦ , τὸν πατέρα Ἀλεξάνδρου καὶ Ρούφου, ἵνα ἄρῃ τὸν σταυρὸν αὐτοῦ .                                                                                                    Καὶ φέρουσιν αὐτὸν ἐπὶ Γολγοθᾶ τόπον , ὅ ἐστι μεθερμηνευόμενον κρανίου τόπος .  Καὶ ἐδίδουν  αὐτῷ πιεῖν ἐσμυρνισμένον οἶνον· ὁ δὲ οὐκ ἔλαβε.¹                                                                                              Καὶ σταυρώσαντες αὐτὸν διαμερίζονται τὰ ἱμάτια αὐτοῦ βάλλοντες κλῆρον ἐπ' αὐτὰ τίς τί ἄρῃ.   _______________________________________________________________________________      Ἦν δὲ ὥρα τρίτη  καὶ ἐσταύρωσαν αὐτὸν. ² Καὶ ἦν ἡ ἐπιγραφὴ τῆς αἰτίας αὐτοῦ  ἐπιγεγραμμένη· ὁ βασιλεὺς τῶν Ἰουδαίων .                                                                                                                                Καὶ σὺν αὐτῷ σταυροῦσι δύο λῃστάς, ἕνα ἐκ δεξιῶν καὶ ἕνα ἐξ εὐωνύμων αὐτοῦ. Καὶ ἐπληρώθη ἡ γραφὴ ἡ λέγουσα· καὶ μετὰ ἀνόμων ἐλογίσθη.                                                                                              Καὶ οἱ παραπορευόμενοι ἐβλασφήμουν αὐτὸν κινοῦντες τὰς κεφαλὰς αὐτῶν καὶ λέγοντες· ουά, ὁ καταλύων τὸν ναὸν καὶ ἐν τρισὶν ἡμέραις οἰκοδομῶν! Σῶσον σεαυτὸν καὶ κατάβα ἀπὸ τοῦ σταυροῦ. Ὁμοίως δὲ καὶ οἱ ἀρχιερεῖς ἐμπαίζοντες πρὸς ἀλλήλους μετὰ τῶν γραμματέων ἔλεγον· ἄλλους ἔσωσεν, ἑαυτὸν οὐ δύναται σῶσαι.    Ὁ Χριστὸς ὁ βασιλεὺς τοῦ Ἰσραὴλ καταβάτω νῦν ἀπὸ τοῦ σταυροῦ , ἵνα ἴδωμεν καὶ πιστεύσωμεν αὐτῷ . Καὶ οἱ συνεσταυρωμένοι αὐτῷ ὠνείδιζον αὐτόν . ______________________________________________________________________________      Γενομένης δὲ ὥρας ἕκτης σκότος ἐγένετο ἐφ' ὅλην τὴν γῆν ἕως ὥρας ἐνάτης·                                            καὶ τῇ ὥρᾳ τῇ ἐνάτῃ ἐβόησεν ὁ Ἰησοῦς φωνῇ μεγάλῃ λέγων· Ἐλωὶ, Ἐλωὶ , λιμᾶ σαβαχθανί;                  Ὅ ἐστι μεθερμηνευόμενον , ὀ Θεός μου, ὀ Θεός μου, εἰς τί με ἐγκατέλιπες;                                            Καὶ τινες τῶν παρεστηκόντων ἀκούσαντες ἔλεγον · Ἴδε Ἠλίαν φωνεῖ.                                                    Δραμὼν δὲ εἷς καὶ γεμίσας σπόγγον ὄξους περιθείς τε καλάμῳ ἐπότιζεν αὐτὸν λέγων· ἄφετε ἴδωμεν  εἰ ἔρχεται Ἠλίας καθελεῖν αὐτὸν.                                                                                                                      Ὁ δὲ Ἰησοῦς ἀφεὶς φωνὴν μεγάλην ἐξέπνευσε . Καὶ τὸ καταπέτασμα τοῦ ναοῦ ἐσχίσθη εἰς δύο ἀπὸ ἄνωθεν ἕως κάτω.                                                                                                                                    Ἰδὼν δὲ ὁ κεντυρίων ὁ παρεστηκὼς ἐξ ἐναντίας αὐτοῦ ὅτι οὕτω κράξας ἐξέπνευσεν , εἶπεν· ἀληθῶς ὁ ἄνθρωπος οὗτος υἱὸς ἦν Θεοῦ.                                                                                                                Ἦσαν δὲ καὶ γυναῖκες ἀπὸ μακρόθεν θεωροῦσαι , ἐν αἷς ἦν καὶ Μαρία ἡ Μαγδαληνὴ καὶ Μαρία ἡ τοῦ    Ἰακώβου τοῦ μικροῦ καὶ Ἰωσῆ μήτηρ , καὶ Σαλώμη, αἱ καὶ ὅτε ἦν ἐν τῇ Γαλιλαίᾳ ἠκολούθουν αὐτῷ , καὶ διηκόνουν αὐτῷ , καὶ ἄλλαι πολλαὶ αἱ συναναβᾶσαι αὐτῷ εἰς Ἱεροσόλυμα . _____________________________________________________________________________        Καὶ ἤδη ὀψίας γενομένης , ἐπεὶ ἦν παρασκευή , ὅ ἐστι προσάββατον , ἐλθὼν ὁ Ἰωσὴφ ὁ ἀπὸ Ἀριμαθαίας , εὐσχήμων βουλευτής, ὅς καὶ αὐτὸς ἦν προσδεχόμενος τὴν βασιλείαν τοῦ Θεοῦ , τολμήσας εἰσῆλθε πρὸς Πιλᾶτον καὶ ᾐττήσατο τὸ σῶμα τοῦ Ἰησοῦ.                                                                          Ὁ δὲ Πιλᾶτος ἐθαύμασεν εἰ ἤδη τέθνηκε,καὶ προσκαλεσάμενος τὸν κεντυρίωνα  ἐπηρώτησεν αὐτὸν εἰ πάλαι ἀπέθανε· καὶ γνοῦς ἀπὸ τοῦ κεντυρίωνος ἐδωρήσατο τὸ σῶμα τῷ Ἰωσήφ.                                      Καὶ ἀγορἀσας σινδόνα καὶ καθελὼν αὐτὸν  ἐνείλησε τῇ σινδόνι καὶ κατέθηκεν αὐτὸν ἐν μνημείῳ , ὅ ἦν λελατομημένον ἐκ πέτρας , καὶ προσεκύλησε λίθον ἐπὶ τὴν θύραν τοῦ μνημείου .                                    Ἡ δὲ Μαρία ἡ Μαγδαληνὴ καὶ Μαρία Ἰωσῆ ἐθεώρουν ποῦ τίθεται . ________________________________________________________________________________      ¹ Του έδωσαν να πιεί  εσμυρνισμένο οίνο  , το οποίο ήταν  έλαιο σμύρνου -μύρου διαλυμένου σε οίνο  ως  ελαφρύ αναισθητικό για να μην υποφέρει περισσότερο ,αλλά  δεν θέλησε να  πιεί  .                             ² Η  πρώτη ώρα με το σημερινό μέτρο   είναι η πρώτη μετά τα μεσάνυχτα   ,με το μέτρο  την εποχής  του Ευαγγελίου η πρώτη ώρα  ήταν από  την  ανατολή του ηλίου .  Την τρίτη ώρα μετά από απαίτηση των Εβραίων οι Ρωμαίοι εκτέλεσαν την σταύρωση του   Ιησού Χριστού  (περί την 9η πμ )  . Από την έκτη έως την  ενάτη ώρα σκοτείνιασε (12η μεσημβρ. έως  3η μμ )  , ο Ιησούς κραύγασε και η συναγωγή εσχίσθη , και εξέπνευσε την ενάτη (περί 3η μμ ) απόγευμα  Μεγάλης Παρασκευής .    

Δεν υπάρχουν σχόλια:

Δημοσίευση σχολίου